廚房佬科學　－　浸出DNA

經常聽到又基因﹐又DNA等名詞﹐好似好熟識個名﹐但係都唔清楚是什麼東西﹐大概是遺傳物質﹐存在細胞個粒核裏面。

細胞咁細﹐肉眼都很難看到啦﹐更何況是裏面粒核的東西。科學家都要用顯微鏡﹐又話要染色﹐好似我地染髮咁﹐至可以看得清楚。

不過最近有個friend話比我知﹐原來我地用一般廚房既設備都可以浸出DNA。 都唔係好似想像中咁 Hi-Tech。

好似做菜咁﹐材料﹕洋蔥﹑洗潔精﹑水﹑食鹽﹑新鮮菠蘿汁﹑酒精。

首先將洋蔥去衣切碎﹐放入煲內。然後拿一杯水﹐加2匙洗潔精﹐1/4匙食鹽﹐搞勻。倒落個煲裏面。跟住將個煲放入焗爐﹐低溫焗5分鐘﹐不停攪拌。然後放入攪拌機高速打幾秒﹐將D洋蔥打碎﹐將細胞組織和細胞核打碎釋出DNA。

然後過濾﹐在濾汁液中加幾滴新鮮菠蘿汁﹐攪勻﹐再倒落一個已經預先冷凍過的玻璃杯﹐殘留的混合物用冰凍的酒精沖入﹐酒精會浮在混合物上面。

過幾分鐘﹐DNA會沉澱出來﹐出現在水和酒精接觸面間﹐是纖維狀的物質。撈起後﹐乾燥了像一團白色纖維的東西。就係咁簡單。

其實DNA呢種野﹐我地身體上每個細胞都有﹐每日食野都吞左好多DNA落肚﹐衹不過我地唔留意到它的存在﹐事實上一早就已經存在係度。科學家基本上是發現家﹐不是發明家﹐將一些已經現有存在的東西發現出來﹐然後起個名。好多人夾埋D科學家﹑政府﹑財閥要將發現左D唔同既DNA組合來爭住搶註冊版權﹐期望以後豬籠入水﹐發大財。如果你話當時哥倫布發現左個新大陸就話屬於他本人既﹐其他人會點反應呢﹖

個friend又話﹐我地唔好比D科學名詞嚇親﹐好多野既基本的原理係好簡單。又話好多真相都係好簡單﹐衹不過好多人比D文字名詞所障礙﹐將簡單複雜化﹐而令人難以明解﹐製造好多複雜又難明既名詞出來嚇到人地以為自己好低層次﹑無知識﹐而某些科學家﹑企業家就因此而名利雙收。

有些化裝品就是好例子了﹐例如“水"﹕中文叫做水,英文叫water,化學就叫H₂O﹐大家本來一見就明﹐但故弄玄虛用Aqua呢個字來代替水﹐見到呢個字唔識就以為係用左D特別既成分會有效D﹐零舍hi－class﹐隻化裝品重可以賣貴D。唔緊要﹐對身體無害既。衹不過“harzardous to your wealth"而已。